Christine de Pisan, « Seulete suy et seulete vueil estre »
Christine de Pisan [ou de Pizan],
première femme écrivain française
à s'être affirmée comme auteure
et à avoir vécu de son écriture.
Image, G.AdC
« Seulete suy et seulete vueil estre,
Seulete m'a mon doulz ami laissiée,
Seulete suy, sanz compaignon ne maistre,
Seulete suy, dolente et courrouciée,
Seulete suy en languour mesaisiée,
Seulete suy plus que nulle esgarée,
Seulete suy sanz ami demourée.
Seulete suy a huis ou a fenestre,
Seulete suy en un anglet muciée,
Seulete suy pour moy de plours repaistre,
Seulete suy, dolente ou apaisiée,
Seulete suy, riens n'est qui tant me siée,
Seulete suy en ma chambre enserrée,
Seulete suy sanz ami demourée.
Seulete suy partout et en tout estre.
Seulete suy, ou je voise ou je siée,
Seulete suy plus qu'autre riens terrestre,
Seulete suy de chascun delaissiée,
Seulete suy durement abaissiée,
Seulete suy souvent toute esplourée,
Seulete suy sanz ami demourée.
Princes, or est ma doulour commenciée
Seulete suy de tout dueil menaciée,
Seulete suy plus tainte que morée,
Seulete suy sanz ami demourée. »
Christine de Pisan, Balade XI, 1396/1399, édition Miranda Remnek.
Pour en savoir plus sur Christine de Pisan, se rendre sur le site de la Bibliotheca Augustana. Ecouter aussi (sur le site Vive voix) Seulete suy, dit par la comédienne Renée Faure (1919-2005). |
Retour à l' index des auteurs
Commentaires